मि.सॅम्युएल हॅनिमन होमिओपॅथीचे जनक यांचा आज स्मृतिदिन. ०२ जुलै १८४३ या निमित्ताने काही शेअर करण्याजोगे ५० वर्षांहून अधिक काळ शास्त्रीय संगीताचे शिक्षण घेतलेला व ४० वर्षांहून अधिक काळ संगीत रंगभूमीवर कार्यरत असलेला मी एक गायक नट. काही वर्षांपूर्वी आवाजावर परिणाम होऊन गाता येणे कठीण झाले. रीतसर तज्ञ डॉक्टरांकडे तपासण्या केल्या. एक्स रे झाले. घशात पॉलिप (कृत्रिम मांसल वाढ ) असल्याचे निष्पन्न झाले. सेकंड ओपिनियन मध्ये शिक्कामोर्तब झाले.ऑपरेशनला पर्याय नाही हे स्पष्ट झाले. हॉस्पिटलमध्ये दाखल झालो. परंतु काही तांत्रिक कारणांमुळे भूल देणे शक्य नसल्याचे कारण देऊन घरी पाठवले. नैराश्यग्रस्त व्हायला झालं. शेवटी ट्रॅक बदलायचे ठरवले. ठाण्यातील प्रख्यात होमिओपॅथिक डॉक्टर मि. मयुरेश महाजन यांच्या सल्ल्यानुसार त्याची ट्रीटमेंट सुरू केली. चमत्कार घडला आणि माझा १००% गेलेला आवाज १२० % परत मिळाला. शस्त्रक्रियेविना.आज वयाच्या ८८ व्या वर्षी देखील माझा आवाज रंगमंदिरात माईकविना शेवटच्या रांगेपर्यंत पोहोचेल इतका खणखणीत आहे. असाच आणखी एक चमत्कार याआधीही घडला आहे.माझा पित्ताशयातील खड्यांचा त्रासही याच उपचारपद्धती मुळे संपूर्ण नाहीसा झाला आहे. वारंवार येणारे पोटदुखीचे ॲटॅक्स बंद झाले आहेत. मला सांगायला अभिमान वाटतो की कुठल्याही ॲलोपॅथिक सर्जनकडे या चमत्काराला उत्तर नाही. I am extremely grateful to Dr. Mayuresh Mahajan. Three cheers to HOMEOPATHY